政情：陳振彬遊蘇梅島度歲
尋日係年廿八，大家都忙於洗邋遢。青年事務委員會主席陳振彬（Bunny）尋日現身一項青年活動時話，朝早已經好乖咁執拾好辦公室，屋企就交畀太太同七歲嘅大仔負責，年初三舉家飛去蘇梅島度假。
雖然新年大部分時間唔喺香港，不過Bunny派利是絕不手軟，太太已準備定近十萬元利是錢。
喺蘇梅島有度假屋嘅Bunny，不時都會飛過去休息吓，但新年期間機票難求，所以年初三先起程。除咗預備十萬元利是錢，Bunny亦做個好僱主，大加公司基層員工一成人工，中、上層員工都加薪百分之四至六，等大家過番個肥年。