政情：社民連香蕉半賣半送

社民連攤位今年繼續賣雙節棍香蕉，不過唔知係唔係滯銷，捐十蚊就可以拎走一雙。副主席吳文遠仲抵死，話只要現場嘅小朋友識得答邊個係劉曉波就送，小朋友梗開心啦，不過唔知佢哋明唔明啲蕉有咩用呢？主席陶君行尋日話，與黃毓民同陳偉業之間嘅錢銀轇轕已經解決，唔會再講太多。

李偉儀話要「除四民」

人民力量成員李偉儀尋日公開講要「除四民」，即係除民主黨、民協、民主動力同民建聯。民主黨主席何俊仁就話唔怕人哋狙擊，因為「怕熱就唔會入廚房煮餸」，而且佢今年係不惑之年，更加相信個黨嘅路係正確。