新年新願望
黃先生一家「希望新一年物價唔好咁高，同埋社會唔好咁多紛爭。最近政治爭拗好多，每個人都可以提出意見，但唔好為反對而反對！」
黃先生、甘小姐「我哋覺得舊年成年都好似愁雲慘霧，好多悲劇發生，所以希望未來不論係情人、家人都要相親相愛！甜甜蜜蜜！」
何、侯、郭、李同學「宏觀啲我哋就希望今年可以世界和平，少啲戰禍！人人都可以身體健康！如果作為一個末代高考生，我就希望可以最後一屆高考成功，順利考入大學！」
關小姐（設計及模特兒業）「去年我最難忘都係馬尼拉人質事件！希望今年唔會再有呢啲事發生！人人開開心心。」
謝氏一家「去年全球都通貨膨脹得好厲害，但我哋升斗市民又可以改變到啲乜！反而覺得全家人手挽手團結一心，就乜問題都可以解決！冇嘢畀一家團圓同世界和平更珍貴！」
吳小姐（設計業）「物價貴連化妝品都要買少啲、慳住用，希望全港女仔都可以日日咁靚！咁瘦！至於事業方面，不論個市好定衰我都要靠自己，今年一定要事業有成！」
