東方日報慈善基金撥款二萬助辦後事
「老爺、奶奶咁大年紀，子女又咁細，又就嚟過年，都唔知點算……」在本是一家團聚的除夕，庾家陷入了徬徨無助，孤兒寡婦昨在醫院相擁哭成淚人，聞者都為之心酸。東方日報慈善基金經了解後，立即從「無力殮葬」專戶撥款兩萬元，協助庾家辦理後事；恒基地產亦捐出兩萬元緊急援助金，以助庾家解燃眉之急。
妻泣訴夫捱兩晚通宵
庾妻昨望着年前與丈夫補拍的結婚照片，泣不成聲，「佢（丈夫）已經通宵兩晚冇瞓，我連佢最後一面都見唔到，點解佢唔返嚟……」她說，丈夫非常慳家，一家絕少外出用膳，但他非常疼錫子女，每逢一對子女生日都會買蛋糕回家慶祝，可是這一切已成回憶。
對於未來，庾太坦言非常徬徨，「兩個仔女嚟緊下學期要買書，仲要交租同水電煤，我真係唔知點算……」
遺三孤寡白髮高堂
眼見母親淚流滿臉，幼子灝霖連忙拿出紙巾為母拭淚，並天真地安慰說：「爸爸依家受傷喺醫院，佢遲啲會出院返屋企！」聽完兒子的說話，母親緊抱兒子入懷，淚如泉湧。而庾沃明一對高齡父母，白頭人送黑頭人，亦是悲傷不已。
對於庾沃明的離逝大元邨街坊亦深感惋惜，街坊形容庾為人健談，愛錫妻兒，生活勤儉。有街坊說，經常見他早出晚歸，曾問他是否很辛苦，庾笑說：「都係想搵多啲錢，一家人開開心心啫！」
本報記者