投訴：將軍澳頂心柱嘥錢兼擾民

記者：梁少儀

居於將軍澳景林邨的倪先生每次乘搭港鐵或前往新都城商場，均須途經佳景路。今年年初，西貢民政處在上址行人路加建上蓋，倪大為雀躍，冀盼工程能便利居民，「行人路加咗上蓋，咁我哋就唔使日曬雨淋，方便好多！」

吳雪山指行人路上蓋工程竟將樁柱建於路中心，令行人路無端出現障礙物。

放大圖片

不過，已進行近一年的工程非但完工無期，倪於早前更發現工人在路中心「種上」樁柱，幾將行人路一分為二，尚未建成已因行人路收窄而出現「人逼人」情況，「依家仲衰過未整嗰陣，無端端畀啲柱阻住冇路行，點解唔泊住花槽嚟裝？」倪不滿當局「亂點種柱地」，懷疑從未有實地視察。

林女士「整到唔湯唔水，做啲唔做啲，邊有咁核突嘅設施o架？」

吳先生「條柱喺正路中心，出入都阻住晒，真係唔整好過整！」

西貢民政事務發言人稱，有關工程為西貢區議會的地區小型工程之一，從規劃至設計均曾多次諮詢西貢區議會，整體費用約為三百六十萬元，預計可在明年二月完工。發言人解釋，由於工程地段行人路地下鋪設大量公共設施喉管，工程顧問經研究後，認為現時設置樁柱的位置最為可行，大部分行人路面仍有約一點八米闊，足夠讓行人通過。

亂種樁柱淪為笑話

不過，西貢區議會地區設施管理委員會副主席吳雪山卻坦言，佳景路的「路中柱」已成區內笑話，更質疑西貢民政處浪費公帑，「個個街坊都話整咗之後仲阻住出入，嘥錢兼冇用！」吳指區議會○八年開始討論在上址行人通道加建上蓋問題，西貢民政處卻未有提及地下喉管事宜，直至工人加裝「頂心柱」後才揭發事件。吳狠批西貢民政事務處監管不力並圖以曾諮詢區議會卸責，「民政處搵咁多錢請顧問公司去睇，冇理由唔知有問題，依家起到一半先講原來之前已經知，有冇搞錯？」

立法會民政事務委員會委員陳淑莊狠批民政處敷衍塞責，有浪費公帑之嫌，「三百幾萬嘅工程唔係小型工程，明知條柱喺路中間都照畀做落去，好明顯係監管有問題！」陳認為民政事務總署日後須要求工程公司提供圖則，由專業人士審批，避免同類「騎呢」事件再現。