社民連新星、「維園阿哥」任亮憲涉強姦案激化黨內分裂，向來當任亮憲係世姪嘅前黨主席黃毓民越洋「挺任」，不但向現任主席陶君行發炮，斥阿陶打「落水狗」，仲話今次事件九成九係共產黨設局，言論引起各界嘩然。
阿陶尋日上電台都話，確信有人故意設陷阱喺黨內搞分裂，但直言任亮憲單案想「裝」佢都「裝」唔到。言下之意，莫非想暗寸任亮憲，話「牛唔飲水唔㩒得牛頭低」？
