做投資先機最緊要，依家大家對人民幣嘅升值潛力普遍睇好，尋日任總喺香港會食完飯出嚟，點都唔肯捽佢個水晶球作預測，不過就話自己一早儲落唔少人民幣，以依家1兌1.1幾嘅匯價計算，佢都笑笑口話回報「幾好o架」！
除咗投資有心得，揀老婆任總亦一樣有眼光，事關佢太太出得廳堂入得廚房，好似上星期佢哋屋企做冬，應節佳餚都係出自任太之手，難怪講起家有賢妻，佢一樣笑笑口話︰「幾好o架﹗」
