政改方案通過後政壇光譜大洗牌，誰得誰失，到出年年底區議會選舉就揭盅。一手策劃同中央談判民主黨主席何俊仁（鐵頭仁）近日高票連任主席，佢尋日出席電台節目時話，黨內支持佢繼續做主席，係希望留個人頭，如果及後嘅選舉有乜差池，佢絕對願意承擔責任，就算人頭落地亦在所不惜。
鐵頭仁喺政改後民望大幅飆升，相信係贏得唔少人認同，不過選舉呢家嘢隨時有變數，依家就講到咁大，唔知鐵頭仁使唔使練定鐵布衫捱斬呢？
