打公共電話要入閘離譜
港鐵將公共電話設於付費區內，市民被迫「畀錢」入閘打電話！楊先生早前因手提電話「冇電」，在沙田圍站遍尋公共電話不獲，其後發現須另付車資入閘方可使用公共收費電話，惟楊當時並沒乘坐港鐵之意。「要入咗閘先可以打電話，咁即係要扣錢啦！有冇搞錯！」
港鐵公司發言人表示，由於地方所限，沙田圍站兩部公共收費電話均設於接近D出口之付費區內，市民可另選距離D出入口外約五十米的公眾電話亭，至於市民意見，則會轉交予相關部門參考。
沙田區區議員鄧永昌直斥港鐵公司作為良心企業，卻欠缺「便民之心」，「要喺個站度整個公共電話嘥得幾多地方？」鄧坦言倘港鐵要免除被指迫市民「畀錢入閘打電話」嫌疑，應盡快於非付費區內增設公共電話。