大量小巴站牌棄置路邊
小巴站牌應分布於小巴行車線沿線各站，不過，徐先生卻發現彩雲邨牛池灣街有大量小巴站牌被棄置於路邊，「啲站牌好多都生晒銹，如果係唔要嘅就當廢鐵拎去回收啦，就咁放喺路邊算係點？」
運輸署發言人向小巴營辦商了解事件後證實，該小巴路線正進行更新站牌，故將舊站牌暫時放置於牛池灣街，以便稍後移走。發言人又稱，營辦商已將上址的舊站牌移走，並且敦促營辦商必須妥善處理雜物。
當區區議員黃國桐強調更換及清走小巴舊站牌仍屬營辦商責任，並非由政府部門負責，「佢哋點都唔可以將啲舊站牌當係垃圾，就咁放喺街邊，冇理由要政府幫手去清。」黃促小巴營辦商自律，避免同類事件再次發生。