關乎民生嘅嘢，政府向來「民心我心，但求甩身」。民生可以係生活起居嘅瑣碎事，如水費電費煤氣費之類，最近申訴專員發現「調亂水錶交錯費」嘅烏龍事件年年過百單，有個案甚至一錯十三年。申訴專員黎年說「不介意政府將工作外判，但責任不可以外判」。這句話，大抵可以成為年度壓軸金句。
「責任外判」，長期沒有核實水錶資料，沒有跟進及監管，難怪「天文數字的烏龍水費」亦時有所聞，小市民嚇破膽又要飽受折騰，水務署真係要好好檢討吓服務質素，不要淪為「水到痹」部門。好似重鋪水管又係大打官腔，搞到市民斷水而地下水則係咁「水長流」，流到咁上下就來個「香城無處不噴泉」，不讓「幻彩詠香江」獨領風騷。
民生亦可以涉及「生命」，如運輸署的「因循被動」，對改善亡命小巴的「安全三大措施」光說不做，被申訴專員狠批「唔爆大鑊唔做嘢」，公共小巴安全監管漏洞百出，可謂攞市民嘅生命「較飛」！
「安全三大措施」是指「加強對司機的監管及培訓，強制小巴安裝速度顯示器及安裝乘客安全帶及高背座椅」。可是，有關措施講足十年亦拖足十年，全港有四千三百多輛公共小巴，而仍有近二千輛未有安全帶；過去十年，每年平均有約四分之一發牌公共小巴涉及車禍，冠絕不同車種，單靠自然淘汰舊車起碼仍需八年。
運輸署諸高官，勿再「因循被動」，起錨吧！事關人命，你哋應該好似溫度計，有股血的情感，應付世間冷暖。人生苦短唔好再耍官腔「會再研究」！