政情：維園阿哥變醜聞政黨救星

最近先後有多個政黨爆出內鬥同退黨醜聞，其中自由黨有前中常委田北辰退黨，民協有黨主席廖成利劈炮，民主黨亦有改革派成員集體退黨，不過同社民連成員「維園阿哥」任亮憲被指非禮同強姦嘅消息相比，全部都係小巫見大巫，尤其係喺支持政改方案後一直畀社民連同任亮憲狙擊嘅民主黨，內部對死敵官非纏身嘅消息無不歡喜若狂，幾乎要開香檳慶祝，再傳多張e卡對任亮憲表示萬分感謝！