政情：高達寸啟剛 Tim霍抱不平
立法會民政事務委員會尋日討論申亞事宜，反對申亞嘅民主黨議員李永達（高達）力數港府不是，仲燒埋一直撐申亞嘅立法會體育界代表霍震霆（Tim）嗰份。高達批評由Tim霍做會長嘅港協暨奧委會透明度欠奉，聽聞Tim霍嘅囝囝霍啟剛仲會接任做會長，儼如北韓咁封建。阿Tim聽各黨派炮轟申亞咁耐都忍住唔出聲，但眼見囝囝畀人點名批評，忍唔住舉手話，大家都有家人，希望年輕人參與多啲社會活動，高達咁樣標籤佢哋，好過分！
立法會民政事務委員會尋日討論申亞事宜，反對申亞嘅民主黨議員李永達（高達）力數港府不是，仲燒埋一直撐申亞嘅立法會體育界代表霍震霆（Tim）嗰份。高達批評由Tim霍做會長嘅港協暨奧委會透明度欠奉，聽聞Tim霍嘅囝囝霍啟剛仲會接任做會長，儼如北韓咁封建。阿Tim聽各黨派炮轟申亞咁耐都忍住唔出聲，但眼見囝囝畀人點名批評，忍唔住舉手話，大家都有家人，希望年輕人參與多啲社會活動，高達咁樣標籤佢哋，好過分！
