政情：孫啟烈轟港府施政適得其反

政府推出「置安心」先租後買政策備受批評，連工業總會主席孫啟烈都批評「遠水不能救近火」，佢尋日出席一個活動時仲有感而發話，政府做嘢只懂紓解民怨，可惜做親都適得其反，好似減開支爭取支持申辦亞運，搬出嚟咪變成笑柄囉。孫啟烈又狂呻話，工商界一向好撐政府，但政府仲要推出最低工資立法及公平競爭法，等於踩多工商界兩腳，最終紓解唔到民怨之餘，又得罪工商界盟友！