政制及內地事務局副局長黃靜文尋日向立法會一個小組委員會交代下年區議會選舉劃界進度，結論係下年十一月舉行嘅區議會選舉，要到三至四月先可以敲定選區劃界。議員狂轟咁嘅安排令參選者唔夠時間部署。其中林大輝仲講得好白，要求當局一定要喺農曆新年前做好選區劃界，如果唔係，到時大家擺錯春茗請錯人就大鑊嘞！其實春茗同選舉無直接關係，有意參選嘅人將春茗搞大啲，仲皆大歡喜喇。