名人反應
邱李茂琪「咁惟有帶啲平嘅嘢囉，但最慘係去親上海或者北京都有活動搞，冇理由唔dress up囉，真係好麻煩，好在唔係衫啫，如果衫都要就真係好煩！」
諸葛梓岐「真係莫名其妙，國家鼓勵我哋去消費，但咁樣會唔會又限制我哋去消費呢？我覺得要清楚列明細則，如果我個袋用咗成十年，係咪又要證明，證明唔到又要打稅？唔好話係咪LV，靚啲嘅篋都超過二千蚊啦，唔通以後要用紅白藍袋？」
莊思敏「我冇聽過呢件事，我上星期去珠海仲帶住個Chanel袋都冇事。都唔知點證明，我惟有唔帶名牌手袋或手錶去大陸。我真係唔明點解要實行呢個措施，我係自用，已經真金白銀畀錢買個袋，冇必要再報稅。」
陳慧琳「我會先了解呢條法例多啲先再作打算，不過我覺得如果個名牌袋係自用嘅，就唔應該打稅囉，除非帶多過二、三個袋就話惹人懷疑攞嚟炒啫，（會唔會因為怕麻煩而唔帶名牌返大陸呀？）如果條法例真係咁，我都會盡量配合嘅。」
