政情：改革派起爐灶白鴿黨眼開眼閉

民主黨一班改革派因不滿該黨嘅政改立場，尋日宣布成立「新民主同盟」，揚言要修補民主黨因政改而造成與其他泛民組織嘅裂痕，佢哋強調同盟係社運組織、不是政黨。身為民主黨核心嘅立法會議員張文光就話，同盟同個黨只係策略分歧，只要佢哋唔係政黨、無違犯黨立場就得啦﹗今次白鴿黨高層對改革派採取隻眼開、隻眼閉態度，當中係咩葫蘆賣咩藥，真係等着瞧。