【本報訊】公立醫院病人的病歷可隨時被窺看，令病人陷入「零私隱」恐慌。香港電腦保安事故協調中心經理古煒德表示，醫管局應按照不同員工的工作範疇，釐定可瀏覽的病人資料內容，「可以睇到咩病人嘅資料、有幾詳細？定係只可以綜合性去睇有幾多人患呢個病？當局應為員工設權限，唔係所有人都睇到個別病人嘅紀錄，確保私隱唔會外洩。」
就員工忘記登出電腦系統，讓其他人有機可乘，古煒德認為此情況無可避免，建議當局加設電腦系統在無人使用十分鐘後可自動關閉的功能，減低員工因事忙而忘記登出系統。另促請當局設懲處機制，處分違規偷看病人紀錄的員工，使醫護人員時刻重視及保障病人私隱，但他承認，礙於公院並非所有地方都設閉路電視，故舉證或有困難。
病人互助組織聯盟副主席張德喜認為，醫護人員只能因工作需要而閱覽病人的資料，今次事件明顯侵犯私隱，令市民對醫護人員失去信心，「呢個電腦系統好似無掩雞籠，有保安漏洞，無理由人人都可以隨便睇病人嘅資料，包括身份證號碼，就算上司都唔應該睇下屬嘅病歷，只有主診醫生有權睇。」他建議醫管局檢討事件，防止病人資料被非法盜取。