大律師王穎妤（Rosaline）年前自立門戶開律師行後，專心工作，絕迹社交圈。上周五晏晝四點幾，卓妮撞見佢逛銅鑼灣皇室堡，Rosaline穿上藍色碎花衫、窄身褲，再加一對黑色水靴，樸素如鄰家女孩。行行吓街，Rosaline唔知係咪見肚餓，走入麵包店睇睇，佢對麵包嘅健康成分好注重，邊揀包邊徵詢友人意見。揀揀吓，手提電話響起，Rosaline連包都唔買，行出舖頭外接電話，傾到司機嚟接佢仍未收線，唔知係邊個打嚟搵佢，令佢傾到連麵包都唔買。
（嚴少阡攝）
