中環耳目：霍太馬天惠王子飯店斟世界
香港崇德社啱啱換屆，原任該社公關主席嘅霍關天穎（Bonnie）升任會長，先施百貨後人馬天惠（Esther）就接任公關主席。早前Esther同Bonnie相約去尖沙咀王子飯店食晏，兩姊妹唔止做善事啱嘴形，對美食嘅要求都好高，當日法國鵝肝沙律同埋黑松露大蝦球最得兩位靚女歡心。
王子飯店一向以精緻著稱，無論係食物質素或者用膳環境氣氛，都走高檔路線。Esther來自先施大家族，自己又開咗間公關公司，自然識飲識食。當日佢向好姊妹推介王子飯店，第一次幫襯嘅Bonnie都大讚好味。
當日菜式亦反映咗王子飯店不拘一格嘅風格，既以粵菜為本，也融入西菜嘅烹調方式。精緻美味嘅法國鵝肝沙律，同埋賣相吸引嘅黑松露大蝦球，亦中亦西。兩位先後畢業於美國加州柏克萊大學嘅師姊師妹，一邊食一邊交流未來會務大計，一樂也！
卓妮