美食展煞科要錢唔要貨
美食博覽今日閉幕，多個參展商都會推出更多一蚊美食及折扣優惠，務求「要錢唔要貨」，有參展商昨日傍晚已開始減價促銷。有展商表示，今屆博覽旺丁又旺財，營業額較去年勁升四成，會在今日繼續補貨出售；不過亦有展商認為，今年入場人次較去年少，但市民出手疏爽，營業額不跌反升；有展商更稱，主辦單位減少了展廳入口，令人流移動較慢，令生意不及往年。
過去數天分時段免費派發鮑魚的安記海味，原定整個展期派發三千隻鮑魚，但由於每次派發時都群情洶湧大排長龍，多次要被迫減少派籌數目，故至昨日只派發了約二千隻鮑魚，負責人潘權輝透露，今日定會派發餘下的一千隻，並於博覽完結前數小時，多款食物減價益街坊，包括原價一百九十八元一盒的澳洲鮑，將減至一百六十八元；原價廿五元一盒兩樽的鮮菌減至十元等，「仲會補貨，會盡量賣晒啲貨。」他補充，其攤位面積今年增大了一倍，帶旺生意比去年勁升四成。
兩款刺身二送一
優質堂每日上午十時限售十隻九百克重的一蚊幻之蟹，今日將額外加推十六隻六百克重的蟹；負責人杉內馨稱，兩款會場價售八十八元的原條銀三文魚及油甘魚刺身，今日將買二送一，其餘的帶子及蟹亦會以九折出售。他稱，原期望數天展期有一百萬元營業額，但今年競爭較大，且一號展廳只得一個入口，較往年少，故至昨日為止，營業額只達目標的七成，今日埋單計數，更有機會差過往年。
阿波羅集團亦賣大包，昨晚七時起乳酪雪糕由原價二十元減價五元出售。負責人胡凱彬昨稱，會視乎情況決定今日是否加推優惠。他說，今年入場人流較往年少，令雪糕球售出數目也比往年減少一成。壽桃牌亦會加推一元換購原價七元燕麥拉麵，分時段限量出售三百份；負責人表示，今年生意額較去年上升百分之五。
