教育局局長孫明揚剛於本月初率團訪問完日本同韓國，所以難得呢兩個星期放大假，都冇再外遊頻撲，寧願留喺香港攤抖吓。卓妮前日下午四點幾喺中環行落金鐘，撞到孫公同孫太搵地方歎下午茶，期間去過金鐘廊嘅「Bistro De’lifrance」睇過，可惜無位，於是轉到遠東金融中心地下間「大快活」，買咗兩杯咖啡同一件西多士兩份食，非常煙韌。孫太話，大快活啲即磨咖啡質素唔錯，十元一杯確係超值，又話同孫公好少機會飲下午茶，但咁都畀卓妮遇到真係好彩！
