中環出更：邱副放完飛機去買衫
再上一個星期六，菜園村村民本來要求運輸及房屋局副局長邱誠武落村同村民開會，講解申領復耕牌嘅審批標準，不過邱副唔肯現身，搞到要擇日開過。點知當日傍晚，卓妮竟然喺銅鑼灣一間百貨公司撞到佢喺度買衫，當時邱副一身着住件白色反領上衣，孭住個紅色背囊，打扮好casual。
邱副想搵件透氣上衣，睇中日本品牌Intermezzo呢件粉紅色Polo恤，仲係意大利製造。呢件衫百分之七十用棉，百分之廿五用合成纖維，賣點係透氣排汗，零售價九百九十蚊，八折後八百蚊有找。近日天氣酷熱，邱副唔知係咪諗住買番件好啲質料恤衫落菜園村見街坊呢？到時就算滴晒汗都唔使驚濕身啦！
（徐家浩攝）