日掉300根 脫髮先兆
【本報訊】脫髮不只是男人之苦，亦成為女人最痛。女士要減低脫髮機會，醫生建議她們應注意均衡飲食，不應胡亂減肥節食，多進食補充鐵質及維生素B12的食物，避免電髮及束髮，每日輕按頭皮亦可幫助髮絲生長，定期進行頭髮測試亦可及早辨識脫髮問題。
要預防嚴重脫髮，必須要及早正視問題。林澎稱，每人每日大約會掉落一百根頭髮，若掉髮超過三百根便可能屬脫髮先兆，「一般人好難逐條逐條數甩幾多頭髮，較折衷嘅方法就係睡前放一條毛巾在枕頭上，第二天數下甩咗幾多條，再按睡覺時數乘適當嘅倍數，便可推算出一整日掉落嘅頭髮。」除此之外，患者亦可進行頭皮化驗檢驗頭髮健康情況。
輕按頭皮 助髮絲生長
林澎表示，部分脫髮問題屬遺傳性，無法預防，但注意均衡飲食、避免過度節食，多進食含有鐵質或維生素B12的食物，如牛肉、豬肉及蛋類等，避免電髮、染髮及束髮亦可以減低頭髮折斷的機會，「每日定時進行一些按摩頭皮的動作，亦可以加速血液循環，有助秀髮健康生長。」