行將卸任嘅私隱專員吳斌尋日向立法會提交佢任內最後一份年報，趁機向審計署署長鄧國斌發晦氣。事緣批評過吳斌嘥錢嘅鄧國斌早前接受訪問，話吳斌畀審計署批評後先至做嘢，暗示佢抱住半退休心態做工。吳斌認為咁講好唔尊重過咗六十歲先接任嘅佢，仲表明已向鄧國斌發出律師信。報告尋日仲披露私隱署嘅盈餘較前年大幅增加四倍半至四百一十萬添。睇嚟吳斌退休前發晦氣，要用錢掟鄧國斌。