罕有夜馬收爐OL專程捧場
【本報訊】本「特長」馬季罕有以夜馬煞科，馬會特別將昨晚終極一戰與剛周日沙田日馬打造成季終派對，煞科氣氛在酷熱天氣警告下升至沸點。不少辦公室女郎難得煞科戰在跑馬地上演，專程首度入場小注怡情，冠軍騎師之爭更令韋達及柏寶的Fans各自各肉緊，全場買一送一的啤酒成為解熱及紓緩緊張佳品，小食檔及啤酒檔全晚大排長龍，馬迷舉杯賀煞科。
抱嘉年華心態入場
冠軍騎師及見習生要鬥至昨晚最後直路才有分曉，令八場煞科賽事分外具話題。雖然鮮有人身穿綵衣入場為心水騎師打氣，但從事飲食業的洪先生卻穿着西班牙國家足球隊球衣入場，希望能將西班牙剛捧世界盃的旺氣帶給其「偶像」韋達：「韋達幫馬迷贏咗咁多年錢，梗係希望佢做多年冠軍騎師啦！」
姑勿論西班牙旺氣能否增強韋達運數，洪先生自己倒能先拔頭籌於第二場命中位置連贏獲利數千元。從事金融業的鄭先生則與洪先生唱反調，指柏寶緊追不捨的氣勢強勁，支持他首奪冠軍騎師殊榮。
馬迷為捧偶像及投注而全神貫注，但亦有不少女馬迷是首次入場，以參與嘉年華心態接觸賽馬。於中環工作從事會計的朱小姐直言，若非煞科戰是夜馬及於跑馬地上演，她也不會入場：「想入場睇煞科好多年，不過七月跑日馬實熱死，所以最終放棄，馬會今年安排真係幾好。」除全場啤酒買一送一優惠外，馬會亦於馬場啤酒園設擂台挑戰馬迷賽馬知識，勝出者獲贈新款電子產品或現金禮券，全場氣氛進一步升溫。