【本報訊】「成架直升機樁落海，仲以為係拍戲添！」直升機墜落水面一刻，岸上不少市民目擊直升機在半空如「仙女散花」般跌下一堆碎片，頃刻直墜海中完全沉沒，五分鐘的空中生死時刻嚇煞目擊者，有人起初還以為在拍戲，後來才知發生墜機意外。
直升機在信德碼頭對開墜落一刻，沿岸有不少市民目擊事發經過，起初並不敢相信眼前的景象，直至多艘救援船隻到場救起乘客，始確信「真係有直升機跌咗落嚟」。其中目擊者關先生表示：「架直升機好似仙女散花咁跌碎片落海，我仲以為有人喺直升機做宣傳活動，但後來見機身搖晃不定，好似拋物線般樁落海，先知咁大鑊！」
另一名目擊者張先生憶述，直升機起飛後，升至離水面約一百公尺時，機尾先後有兩件東西跌落海，其後機尾的螺旋槳跌下，直升機隨即急墜，降落水面後，黃色浮泡即彈出，機頂螺旋槳猛打水面後停下，機內各人紛紛跳海逃生。他坦言，看到甩螺旋槳一刻十分緊張，以為會發生大災難「死得人多」，幸直升機最終安全降落，他認為事故可以化險為夷，機師應記一功。