政情：王英偉捧囝囝做歌星

尋日Wilfred同朋友喺香港會食飯，對於梓軒今日發新碟，佢都好有信心銷量唔錯。唔講唔知，原來Wilfred係梓軒唱片公司嘅老闆，不過佢絕對唔係開間公司畀囝囝發明星夢，梓軒以美國康乃爾大學心理及現代舞雙學士學位加入樂壇，好短時間已闖出名堂，舊年喺頒獎禮勇奪多個新人獎。既然囝囝有心闖樂壇，身為爸爸當然全力支持，出力又出錢。

不過家吓唱片巿道艱難，做唱片要投資唔少，Wilfred話好在囝囝作曲填詞全部自己搞掂晒，慳番唔少製作費。Wilfred話喺今日嘅記者會上仲會公布一個好消息，宣布合作計劃，身為老闆嘅Wilfred對梓軒呢個伙記好有信心，唔怕會蝕錢。