政情：重建賠償金額周達明企硬

市區重建策略檢討進入直路，督導委員會引入「樓換樓」安排，受影響業主需以七年樓齡賠償基準接受收購，但亦可決定要錢定要樓；若選擇要樓，市建局會將部分賠償金留喺律師樓，業主要承擔樓價波動風險，結果被批評建議不切實際，要求增加賠償額。發展局常秘周達明尋日上電台，堅決拒絕增加賠償，強調重建項目所動用嘅資源來自公帑，呢個項目具社會性，同私人發展項目性質不同，唔可能因重建項目價值高或可以用盡地積比率而增加賠償。