政府日前賣地反應冷淡，令人覺得政府嘅「九招十二式」影響咗市場氣氛。立法會地產及建造界代表石禮謙尋日就實牙實齒咁話唔關事，仲忽然硬銷功能組別，話東涌塊地就算無人爭都好正常，起碼反映咗市場價值，一如功能組別咁，某啲界別無人爭只係代表原本嘅人做得太好，獲得廣泛支持。總之班建制派議員呢兩日中咗咒，無論講緊乜，都要兜個圈讚功能組別頂呱呱。