投訴：商舖馬路擺貨 食署扮盲
上水龍豐花園部分商戶於地舖外擺放貨物情況嚴重，甚至有貨物被堆放於石湖墟街市外緊急行車通道上。居民黃女士指上址阻街情況一直存在，至近月更幾近情況失控，「食環署係就係成日有派人嚟，之但係明明見到有人將啲貨塞住成條路，食環署啲人都仲係企晒喺度唔去做嘢，想唔亂都幾難啦！」
北區區議會主席蘇西智批評食物環境衞生署執法不力，認為食環署雖有派員長駐阻街黑點，惟因商戶早已將告票罰款視為例行公事，「佢哋為咗做多啲生意，明知阻街都當罰款係交租，所以最低限度都要搬走啲阻街貨先有阻嚇作用！」蘇促食環署加強執法，如以充公貨物增加阻嚇性。
食環署發言人稱，由今年一月至今，共於上址向違規者提出三十宗檢控，並會不時調配小販事務隊巡邏，禁止經營者擴展擺賣範圍至公眾地方。