「政治嘢我咩都唔會答」
CY近年對傳媒有問必答，但CY尋晚出席國際青年商會香港總會六十周年酒會時，竟然一反常態，佢一見到傳媒就話：「所有政治嘢我咩都唔會答。」就連問到佢最鍾意討論嘅樓市問題時，佢都話唔會講住，遲啲先作詳細交代喎。
咁5.16你究竟去唔去投票呀？喺傳媒嘅死纏下，CY先答咗句：「我未諗呢個問題，到時再搞啦！」
雖然CY唔多願講政治，但就好踴躍同大家分享佢八八年獲該商會頒發傑青嘅往事。佢話自己得獎嗰陣只得卅四歲，當時係佢喺仲量行嘅時代，自己仲未自立門戶；佢話依家年輕人嘅舞台比佢當年大，事關佢哋較易衝出香港，面向世界，唔知大家同唔同意？