政情：王冬勝人肉護罩保密碼
滙豐銀行櫃員機遭匪徒安裝讀卡器盜取客戶存款，搞到人心惶惶，並揭露滙豐未有安裝鍵盤保護罩，容易被匪徒偷睇客戶密碼盜款。滙豐亞太區行政總裁王冬勝前日參加一個慈善高爾夫球賽時好無奈咁話，呢個世界「道高一尺、魔高一丈」，目前最重要係客戶唔好有損失，銀行會全數賠償予受影響客戶。不過，王冬勝都即場提供一個櫃員機提款保安妙法。
王冬勝身為銀行大班，有時都要親身去櫃員機提款，但佢一啲都唔擔心櫃員機保安問題，點解？原來佢提款時會將自己個身體挨到好埋，幾乎遮晒部櫃員機咁滯，咁就唔怕畀人睇到提款密碼啦！
呢個人肉鍵盤保護罩，都算係無辦法之中嘅辦法，之但係唔係個個銀行客戶都好似王冬勝咁高大，可以遮得晒部櫃員機，倒不如拿拿臨加裝番個鍵盤保護罩好過啦！