打工「當奴」 何不食綜援
【本報訊】「當年做第一份工時個仔同我講，有同學屋企攞綜援，媽咪你搵嘅人工咁少，問我點解唔去攞綜援！」昨日上街爭取最低工資時薪三十三元的羅女士憶述，○二年第一份工是在餐廳洗碗，當時每月人工僅四千元，收入微薄難以維持生計，她批評港府多年來無助改善基層員工生活，現時薪金仍無寸進，本港貧富懸殊問題不斷惡化，直言「係政府逼人上街、逼人攞綜援！」
家長嘆「養自己都唔得」
參加昨日遊行的人士不乏抗議港府多年來無改善社會貧富懸殊問題，任職酒樓點心師傅的飲食及酒店業職工總會副理事長羅鄧敬慨嘆，當初任職洗碗女工平均時薪僅二十元，但面對百物騰貴，加上子女生活及學習上的開支，直言「咁少人工，出嚟做嘢意義喺邊呢，送仔女去補習社託管都用咗千幾蚊」。她補充，目前不少酒樓樓面員，每月僅六千元，但每日工作十二小時，生活費捉襟見肘，故工會要求最低工資訂於時薪三十三元的水平，讓基層員工過好日子，憤言「喺資本社會主義下，我明白有錢人剝削無錢人，但都唔好剝削得咁厲害，畀條生路我哋行！」
從事保安員、育有三名子女的麥先生每月收入僅六千元，指以目前的收入難以養妻活兒，生活質素日差，若薪金無法提高，坦言只好無奈拿取綜援過活。