中環耳目：郭炳江至愛龍景軒焗蟹蓋

米芝蓮三星級食肆

郭炳江早前出席維他奶舉行嘅酒會，佢同卓妮由屋企雪櫃常備維他奶飲品講起，一路傾到至愛食肆。佢話平時多數喺新地有股份嘅四季酒店搵食，獲得米芝蓮三星級食肆稱號嘅龍景軒同埋法國餐廳Caprice，都係佢熱門蒲點，仲激讚龍景軒嘅焗蟹蓋好正。

焗蟹蓋嘅做法睇似簡單，其實好考廚師技術，尤其是焗爐嘅火候要拿捏得好準確。龍景軒行政總廚德哥話畀卓妮聽，佢哋首先要揀選新鮮嘅蟹肉，然後加入比例適中嘅洋葱、牛奶、牛油同麵粉，太濕或太乾都唔得，最後放入焗爐嘅溫度亦都要控制得宜。咁考究嘅佳餚，每個盛惠一百元。

郭炳江至愛龍景軒焗蟹蓋，每個盛惠一百元。

放大圖片

龍景軒獲得米芝蓮封為三星級食肆之後，成為全球評價最高嘅中菜廳，各地老饕都慕名前來，令到德哥更加要畀心機轉吓新菜式，以保持佢哋嘅江湖地位。