渡輪公司收完錢仲可加價

「惹社會紛爭 愈搞愈亂」

中文大學財務學系副教授蘇偉文批評港府以「渡輪為離島居民唯一的交通選擇」為由，擬補貼離島居民船費，完全不合邏輯。他說：「住喺屋邨嘅居民，出入要搭巴士，咁巴士都係佢哋唯一的選擇，咁政府係咪要補貼？」他認為政府的建議會引起社會更多爭議，只會「愈搞愈亂」。

至於今次港府補貼渡輪服務，當中涉及新創建旗下的新渡輪，而新創建集團執行董事曾蔭培曾慨嘆集團旗下的新渡輪連年虧損，集團對繼續經營感到意興闌珊。蘇偉文坦言曾蔭培是曾蔭權的弟弟，而他又身為新創建的高層，今次港府以公帑補貼新渡輪，難免又惹來一番質疑。

劉先生（營業員）：「我住長洲，日日搭渡輪出市區返工，船費好重負擔，（如加價）政府補貼梗係好，我唔使承擔晒嘛，公帑無話用得公唔公平，我都有份納稅㗎。」

羅小姐（美容業）：「我住長洲，絕對贊成政府補貼，因為船費真係好貴。呢筆公帑雖然用得唔係太公平，但一樣有另外一啲公帑我係無得益。不過最好就係唔好加價。」

蘇偉文認為離島人口少，渡輪服務無利可圖，是一個死結，政府長遠必須研究解決離島交通問題，包括研究興建大橋接駁等，否則只能永遠補貼下去。