政情：蘇菲梁踩行油撐慳電膽

中大調查揭示香港已非和諧城市，甚至有爆發暴亂嘅危機，煲呔曾政府本應責無旁貸，不過經濟動力立法會議員梁劉柔芬（蘇菲梁）尋日出席電台節目時，就踩行油幫政府開脫，並大翻舊帳以慳電膽風波做例子，不點名批評某啲政黨要求政府資助市民使用環保產品，先至搞出咁大風波。但其實慳電膽政策之所以引起全民公憤，主因係煲呔曾涉嫌明益親家冇申報，以及建議加電費由市民付鈔，同資助市民買慳電膽根本係兩碼子事，蘇菲梁果然係「曾朋友」！