政情:末代會考生網上發炮

新一屆會考試期已經來臨,由於今年嘅會考係新高中學制推行後最後一屆,啲考生全被冠上末代會考生嘅名字,佢哋既要擔心考試成績,又驚冇路可退,搞到唔少考生、佢哋嘅家人、師長都喺網上、電子媒介發炮,教育局政治助理楊哲安(Jeremy)嘅facebook更加成為訴苦陣地添。

教師向楊哲安表不滿

Jeremy個facebook係政府加強同青年溝通一個冇咁失敗嘅例子,近日就有教授末代會考生嘅老師寫信表達不滿,透露有啲學生擔心只能考一次;有啲又擔心冇得重讀,甚至啲家長都食唔安、瞓唔落,教育局構思新學制時,只係為末代考生安排多一次會考,但話明冇學校可以提供重讀機會,所以Jeremy收到呢啲問題,都畀唔到好嘅答案。

不過,Jeremy嘅facebook都有唔少青年表達其他意見,總之返工時間奉旨上網,試吓囉,睇睇能否闖出一條血路。