政情：最低工資勞資爭持不下

自由黨廿蚊張提出「廿蚊論」，令最低工資水平爭議更為白熱化，勞工及商界爭持不下。近日商界提出不同工資水平「試水溫」，職工盟李卓人就提出要卅三蚊一個鐘，話呢個唔係用嚟講價，而係一家兩口加埋交通費計出嚟嘅合理養家水平。不過餐飲聯業協會會長黃家和就話，睇番外國經驗，都係定喺工資中位數三至五成，取中間數四成係理性基礎水平。佢話工人工資佔成本三至三成半，如果定喺卅三蚊，業界每年整體支出要多七十億元，即難以做到。