政情：廿蚊張肥仔明無肉不歡
潮流興講低碳生活，唔少人都以為低碳就係停車熄匙同用少啲電咁簡單，但原來食少啲肉都可以減低碳排放。有電視台就睇準自由黨張宇人同民主黨李華明呢兩個身形有番咁上下嘅立法會議員，安排佢哋進行一次少肉多菜嘅飯局，先發現兩個都係食肉獸，無肉不歡，每日嘅碳排放都係偏高嗰隻。
廿蚊張同肥仔明自爆佢哋同好多香港人一樣，餐餐都係食肉為主，廿蚊張仲話自己無肉不歡，「見到菜就唔敢<img src='/font/fad8_5nbk.gif' border='0'/>」，錄影前一晚食咗四塊叉燒、四塊燒肉、半碗白飯，但只係食得一條青菜咁大把，認真唔健康！相反，肥仔明可能自己知自己事，喺前一晚食咗豬肉、蜆肉意粉同沙律。
根據專業營養師嘅評估，呢兩個食肉獸淨係食一餐飯，每人就已經各自排放咗三百至七百克碳，屬於第二高類別。早前廿蚊張因為提出「廿蚊論」，唔少網友都要求佢試吓
廿蚊人工，其實張宇人大可以試吓，話唔定可以逼吓自己餐餐食青菜，改善飲食習慣。