非法晾曬民政署無符

近日天氣乍暖還寒，暮春三月的潮濕日子一旦陽光普照，非法晾曬棉被、床單、大褸、衫、褲、睡衣甚至內衣褲等景象即觸目皆見，屋邨休憩設施、欄杆以至山坡均淪為非法晾曬勝地。「依家好天嘅日子愈嚟愈少，啲人一見好天，梗係晾得幾多就幾多！」居於青衣長亨邨的蕭女士坦言，不少居民受家居空間所限未能晾曬衣物，迫不得已才「通街晾衫」，「冇錢買乾衣機都冇計，邊個有頭髮想做癩痢？」

炮轟治標不治本

青衣關注組副主席徐曉杰直言，曾接獲不少居民反映晾曬設施嚴重不足，經巡查各邨後，發現區內僅有長亨邨置有常設晾曬區，「執法只係治標唔治本，問題係唔夠地方畀啲居民曬衫，民政署同房署冇理由見唔到，只係唔肯做！」徐指青衣公屋有不少公共空間，建議闢作晾曬區，與民為便。

事實上，青衣區非法晾曬問題只屬冰山一角，荃灣梨木樹邨、天水圍天恒邨及天澤邨等地之非法晾曬問題亦同樣嚴重，壯觀場面令人嘆為觀止。

「依家公屋所謂嘅晾衫設施連張被都晾唔到，設計又危險，早排又有阿婆晾衫跌死咗囉！」立法會民政事務委員會委員張國柱認為，導致非法晾曬「死症」的出現，乃因當局設計公屋時未有考慮基層需要，建議應按屋邨人口，在通風位置或天台加設安全晾曬設施。

傳染病專科醫生勞永樂警告，在街道非法晾曬衣物容易沾染細菌、病毒及寄生蟲，「雖然紫外光可以殺菌，但有啲孢子有好硬嘅外殼，未必殺得死，加埋濕度高，分分鐘晾完仲污糟過未晾！」

梨木樹邨 為爭取陽光晾曬，巿民不惜在欄杆晾曬衣物。	不少青衣居民向徐曉杰（左）反映區內晾曬設施不足。	居民江女士：「好天嘅日子愈嚟愈少，屋企根本冇地方晾衫，一有太陽梗係晾得幾多就幾多啦！」

違例住戶扣三分

非法晾曬問題嚴重，與政府部門疏於執法有莫大關係，單以青衣區為例，民政署在○八年四月至九月期間曾統籌十二次聯合清理行動，○九年全年卻「零行動」。至今年二月，再接獲投訴後，民政署才於三月再次安排聯合清理行動。

至於被指設計欠佳一事，房署發言人未有回應，僅稱有關非法晾曬範圍並不屬於屋邨管轄之列，倘於屋邨範圍發現非法晾曬情況，將根據屋邨管理扣分制處理，違例住戶將被扣三分。

記者 梅可茵