政情：梁卓偉平常心睇薪酬檢討

政府年中將檢討副局長同政治助理嘅表現同薪酬水平，邊啲人無人工加甚至要減人工，當事人同外界都好關注。食物及衞生局副局長梁卓偉賣口乖話，幫新制度做第一班試行嘅人，責任重大，非常榮幸有機會服務市民；佢做呢個位，唔淨係講錢。佢又話，副局政助同一般打工仔一樣，需要有考勤，自己都要檢討，而做政治工作最重要係市民認為自己做成點喎。咁多副局中，梁卓偉已算係表現較好嗰個，驚畀人減薪，應該未輪到佢。