吊頸身亡的男子張達華（五十三歲），與妻兒居葵涌麗瑤邨樂瑤樓一單位。前晚九時許，張逕自登上彌敦道金輪大廈天台，用頸巾吊頸自殺身亡。張妻昨晨攜帶香燭及丈夫生前最愛的食物返現場拜祭，跪地合十哭喊。

張妻稱，兩人五年多前於內地相識結婚，兒子在港出世及讀幼稚園，張曾做雜工及水吧，惟因長期站立患上腳患，數年前領綜援。她日前持雙程證來港，發現丈夫變得沉默寡言。年卅早上，丈夫放下五百元喚她準備過年食物，聲稱外出剪髮，其後音訊杳然。

稚子未悉喪父之痛

張妻後來發現他無攜手機及提款卡，旁邊寫有提款卡密碼及兒子學費單，又憶起丈夫多番提醒已辦妥綜援金續期手續，似透露身後事，連忙報警，惟最終接獲死訊。張妻數日前特地提早低價買魚過年，現嘆謂：「佢臨出門仲話夜晚會早啲返嚟食團年飯，點知條魚仲喺度，個人就已經走咗……」

丈夫猝死後，張妻身上只餘數百元，稚子仍然未悉喪父之痛。她哭訴：「佢不停話好掛住爸爸，我淨係話爸爸去咗返工！」冀聯絡丈夫家人商量辦理後事。 （捐款編號：11866）