房屋署維修工程「求求其其」，置居民安全於不顧！青衣長康邨居民陳先生稱，房署於去年十二月初為單位進行電線維修工程，但大門鐵閘卻在工程期間被破壞，難以開關，「門鉸整爛咗，第一日連拉閘都拉唔到，屋企有老人家，真係好驚有賊入屋！」陳曾經要求房署更換鐵閘，惟未獲跟進，「佢哋話一年後有大廈維修資助，到時先至會整番個鐵閘，叫我依家用鎖鏈鎖住先，咁都得？」
「明明整爛咗嘢，咁都可以唔賠，簡直離晒大譜！唔通呢啲就係今時今日政府部門嘅服務態度？」當區區議員徐曉杰指區內偷竊案頻仍，房署做法無視居民安全，促盡快為住戶更換鐵閘及改善與居民溝通的態度。
房署發言人稱，得悉事件後，現已為戶主完成更換鐵閘工程。
