恒隆集團主席陳啟宗（Ronnie）不但口才了得，仲相當識食，最近佢就有個「搵食」故事。話說Ronnie有日同老婆行西九圓方，佢哋本來諗住食潮州菜，點知排晒長龍，咁啱佢老婆又趕住走，於是就幫襯附近間「囍宴滋．選」，坐低一睇菜牌，當堂「叮」一聲，竟然發現有味「海膽豆腐」。
Ronnie之所以咁驚訝，原因係佢記得喺食家Jacky Yu余健志間私房菜食過呢味「海膽豆腐」，結果一試難忘，仲形容係「好食到暈」，後來才知道「囍宴」嘅掌舵人正是Jacky Yu。「囍宴」大廚黃君話，「海膽豆腐」嘅食材均由日本新鮮運到，配上自家製嘅鰹魚汁後，不但食到海膽鮮味，鰹魚汁帶出鰹魚精華亦係一絕，令豆腐鮮上加鮮。
黃師傅仲話，每客「海膽豆腐」用上一板半海膽，食材成本好高，但該店都只係以人頭計算收費，每位四百三十元起，加上其他菜式，確係物超所值。
卓妮