陳是血案現場附近店舖的店員，事發時正在店內埋首工作，赫然聽聞有人叫打劫和救命聲，發現一名男子匆匆在門外走過，後面有一名警察喝止，心知對方必定是匪徒。陳表示：「都考慮過一陣追定唔追，見到個警察都追，咪本着公民責任衝出協助追兇。」

「估唔到佢（疑犯）身手咁好，雙手緊握貨車底想走，我即刻走到車頭截車，警察就用伸縮警棍撩佢，但佢爬出車底飛跑，我曾經拉實佢件衫。」

警民合作終將疑犯擒獲，陳自言雖然當時無擔心個人安危，但亦已衡量環境，假如對方有刀有棍，就要視乎情況了。