麥嘉軒尋日以香港會計師公會稅務委員會主席身份，出席該會就新年度財政預算案發表建議書，嫁得有情郎嘅嘉軒顯得容光煥發，大晒左手巨型鑽石婚戒。問佢搬咗入中大愛巢未？伊人笑而不答，話新婚生活好愉快，多謝大家關心。

咁何解仲未度蜜月呢？原來麥嘉軒工作至上，蜜月地點交由老公話晒事，叫大家去問吓劉校長喎。嘉軒樂做小女人，連卡片都改為「劉麥嘉軒」，估唔到性格鬼鬼哋嘅佢咁識尊重老公。喺尋日記者會上，傳媒開口埋口叫麥嘉軒做「劉太」，佢對新「朵」顯得有點不知所措。唔使驚，叫叫吓就慣㗎喇！