本文重點
【本報訊】的士及小巴「死火」潮持續，機電署將與中石化合作於三日內在麗港城及馬鞍山氣站清洗氣站內所有供氣設備。昨日麗港城加氣站除有人員到站疑抽樣調查，而馬鞍山氣站昨晨九時，冷冷清清，未見有的士往加氣。
「洗吓缸安全啲」
的士司機麥先生批評，「機電署一早知，懶懶閒唔做嘢，話唔夠技術驗石油氣，要搵外援幫手，仲要查幾個月，咁以前根本冇監管啦？」另一名的士司機朱先生也稱：「死過火，攞過去維修！氣站都係洗吓缸安全啲！」
另一方面，的士司機孔先生因的士「死火」，將車送往車房維修，他指去年十月底開始全面入中石化石油氣，結果出現「死火」現象，昨日早上九時許入氣後，便頻頻「死火」，他決定以後改到其他油公司入氣，「中石化洗吓缸都好嘅，衫長期唔洗都會愈積愈污糟啦，不過佢洗完缸我都暫時唔會幫襯。」
另外，到車房維修的「死火」的士昨稍見減少，元朗橫洲車房及九龍城道的車房，平均只有三、四輛的士在車房外待修，有修車師傅相信與不少的士已轉到其他公司入氣有關。