政府部門互相卸責可謂「家常便飯」！石塘咀市政大樓後方一幅擋土牆污水長流，商戶被迫與如瀑布般散落的污水日夕相對，苦不堪言，雖多番反映卻遭部門當人球互踢，污水流足兩年仍未解決。區議員斥食物環境衞生署以外判管理權卸責做法不能接受，加上部門間缺乏協調，最終擾及市民。傳染病科醫生指污水不斷湧出，會增加爆發疫症機會，主責部門不能掉以輕心。
石塘咀市政大樓後方為一幅擋土牆，擋土牆排水口自兩年前開始便有污水流出，發出的惡臭令市政大樓街市檔戶叫苦連天。
菜販須戴口罩
菜販譚伯埋怨生意大受影響：「都唔知咩水嚟嘅，真係臭到死！我呢度對正幅牆，臭到要成日戴口罩，啲街坊都唔願行過嚟買嘢啦！」譚伯指流污水情況持續多時，最近更日見嚴重，向管理處投訴卻未獲理會。另一檔主阿強（化名）亦大吐苦水：「我同管理處啲人講，佢哋竟然畀個維修斜坡（公司）嘅電話我，叫我自己搵人整！」
在附近居住的陳先生指流污水問題已持續近兩年，向多個政府部門反映卻不得要領，「同土木工程拓展署投訴，佢話要建築署負責；問完建築署，佢哋又話可能係水管爆裂，要水務署同渠務署跟，根本就係耍我！」
經陳不斷投訴後，食環署最近才以藍色膠喉將污水引至地下溝渠，並以封條圍封流污水範圍，惟仍治標不治本。
食環署發言人指出，○九年九月已將個案轉介建築署跟進，並安排街市管理承辦商加強清理積水。建築署發言人承認，接獲食環署轉介後，已派員到現場視察，並進行地下水管道檢查，證實為水管滲漏，已將報告交由水務署跟進。至於水務署則已鎖定水管滲漏位置並已安排維修。
「一幅擋土牆牽涉咁多個部門，權責唔清唔楚，都唔知搵邊個維修！食環署用得封條封住個範圍，即係代表佢哋知情啦，冇理由可以將個責任左卸右卸！」中西區區議員陳財喜狠批政府部門推卸責任、加上協調不足，令市民蒙受不必要影響，促部門盡快處理有關污水的滲漏問題。
建議統籌維修
傳染病科專科醫生勞永樂直指，污水帶有大量細菌，倘不斷湧出將令爆發疫症機會大增，「萬一啲污水彈出嚟整咗落啲菜度，市民食咗就會有腸道病，嚴重會爆發傳染病！」勞認為有關事件應由一個部門負責「包底」，統籌維修工作，「唔通要啲升斗市民搵工程師維修？」
■記者：蕭智湲