記者 許紹基

求職者可透過中心設置的電腦搜尋職位空缺，但部分空缺因過遲上載變成「舊料」。

近期不少大型招聘會均吸引大批巿民前往求職。 （資料圖片）

求職心切的張先生為早日重投職場，每日均會在勞工處轄下各職位空缺處理中心穿梭，希望第一時間獲取招聘訊息。張於早前發現一份新公布的招聘司機空缺，翌日便透過傳真遞交求職信及履歷等資料，未幾獲有關公司回覆指早已聘獲合適人選，「佢仲話啲資料畀咗勞工處成個幾禮拜，窒我點解咁遲先嚟申請！」張不滿勞工處未有急失業大軍所急，歎慢板令求職者失去機會。

早出現問題 遲未改善

「我窮，屋企冇電腦，惟有日日喺中心打躉搵工！都知搵工手快有、手慢冇，但佢（勞工處）成個禮拜之後先貼出嚟，幾快手都冇用啦！」張更稱，最初以為上述遭遇僅屬個別事件，惟其後多次求職過程亦遇上相同情況，估計問題並非偶然，認為勞工處未能發揮協助市民求職功能。

記者以求職者身份，按勞工處職位空缺處理中心公布資料，分別聯絡四名僱主，有關公司職員不約而同稱早已聘得合適人手，更質疑記者太遲申請，其中一間貨運公司職員詫異地說：「你今日先睇到？啲資料畀咗勞工處個幾禮拜喎，政府做嘢唔係咁慢啩？」

事實上，勞工處「龜速」處理職位空缺資料並非首次，本報早在○七年底，便曾揭發勞工處遲遲未有更新網上職位空缺資料，令不少求職者無功而還。事隔兩年，處理職位空缺的工作效率仍未見改善。

空缺唔等人 錯失良機

「好多人搵工都會靠勞工處，如果啲空缺資料真係update（更新）得咁慢，靠佢搵工就真係死梗！」立法會人力事務委員會委員王國興狠批勞工處效率差強人意，並直言「空缺唔等人」，現時經濟尚未完全復甦，為求一職者絕對要分秒必爭，促勞工處盡快改善，勿再因內部出錯影響求職者錯失良機。

勞工處發言人承認，近日該處接獲的空缺數目持續增加，令部分空缺資料未能即時處理。部門為改善情況已增加人手，務求盡快處理資料，以免延誤。發言人並就事件對僱主和求職者造成不便致歉。